Kæra dansfjölskylda, við óskum ykkur gleðilegra jóla og farsældar á komandi ári. Þökkum ykkur fyrir frábært dansár og hlökkum til að dansa okkur inn í nýtt ár með ykkur á vorönn 2015.
Allir danshópar fóru í hina árlegu jólamyndatöku síðastu helgina í nóvember. Þó svo að það hafi vantað nokkra nemendur í öllum hópum þá var æðislega gaman eins og sést greinilega á myndunum. Myndir af 16 plús hópum í Laugum og Egilshöll sem og 20 plús hóp í Laugum voru ekki teknar vegna anna nemenda í prófum. Við munum þó svo sannarlega reyna að ná þeim nemendum saman við tækifæri í eina góða mynd.
Myndir voru teknar af hinum frábærlega hæfileikaríka Snorra Björnssyni / snorribjorns.is.
Jólasýning dansskólans fór fram við frábærar undirtektir á sunnudaginn síðast liðinn. 500 nemendur stunda dansnám hjá skólanum og steig stór hluti þeirra á svið í Austurbæ á sunnudaginn var. Óvissa var með veðurfar en dansfjölskyldan lét það ekki hafa áhrif á sig og var frábær mæting á báðar sýningar skólans. Nemendur dönsuðu sig inn í hjarta áhorfenda og það má með sanni segja að þau hafi dansað inn jólin!
Sýningin snerti við mörgum og rákust kennarar á þó nokkra foreldra sem voru með tárin í augunum að sýningu lokinni. Jólaandinn, kærleikurinn og gleðin ríkti í húsinu og fóru allir sáttir úr Austurbæ. Við viljum þakka nemendum okkar kærlega fyrir yndislegan dag. Sömuleiðis berum við bestu þakkir til starfsfólks Austurbæjar, tæknimanna og allra vina og vandamanna sem lögðu sitt fram við að gera sýninguna að því sem hún var.
Hér má sjá fyrstu myndir frá sýningunni en fleiri myndir eru væntanlegar í byrjun næstu viku, bæði hér á heimasíðu og á Facebook síðu skólans. Fylgist með!
[/vc_column_text][/vc_column][/vc_row][vc_row][vc_column width=“1/1″][vc_gallery type=“image_grid“ interval=“3″ images=“2802,2803,2804,2805,2806,2807,2797,2795,2794,2799″ onclick=“link_image“ custom_links_target=“_self“ title=“Myndir af sýningunni“][/vc_column][/vc_row]
Varað er við slæmu veðri á sýningardag. Það lítur allt út fyrir að bæta muni hressilega í vindinn um og eftir hádegi og erum við á vaktinni um framvindu veðurfars. Báðar jólasýningar munu fara fram samkvæmt áætlun.
http://www.dansstudioworldclass.is/wp-content/uploads/2017/08/dwc-logo.png00grehttp://www.dansstudioworldclass.is/wp-content/uploads/2017/08/dwc-logo.pnggre2014-11-29 23:45:092014-11-29 23:45:09Veður á sýningardag
Miðasala á jólasýningu dansskólans er hafin á midi.is. Miðaverð er 1.500 kr. og er frítt inn fyrir börn 12 ára og yngri. Börn þurfa ekki miða og því mæta þau ásamt foreldrum og er hleypt beint inn. Nóg af sætum á að vera fyrir alla en takmarkaður sætafjöldi fór í sölu til þess að halda eftir sætum fyrir börnin. Sætin eru ómerkt og því hvetjum við ykkur til þess að mæta snemma. Húsið opnar hálftíma fyrir hvora sýningu.
Um tvær sýningar er að ræða:
Fyrri sýning hefst kl.11.30 og sýna þá danshópar frá Egilshöll og Mosfellsbæ.
Seinni sýning hefst kl.15.00 og sýna þá danshópur úr Laugum, Seltjarnarnesi og Ögurhvarfi í Kópavogi.
Hér er linkur á midi.is:
http://midi.is/atburdir/1/8665
Jólasýning skólans fer nú fram í annað sinn en í ár mun sýningin fara fram í Austurbæ við Snorrabraut. Allir nemendur skólans munu koma fram og sýna afrakstur haustannar á sviði leikhússins. Sýningin mun fara fram sunnudaginn 30. nóvember og það í tveimur hlutum. Er það gert til þess að halda sýningunni í styttra lagi. Auk þess er það gert til þess að allir foreldrar, ættingjar og vinir geta komið og notið sýningarinnar og nemendur notið sín með nóg pláss baksviðs. Einungis þrjár vikur eru eftir af haustönnog eru allir hópar að vinna að atriðum sínum sem stendur. Mikil eftirvænting ríkir í hópunum og hlökkum við til þess að hringja inn jólin með ykkur, dansfjölskyldunni okkar, þennan síðasta sunnudag í nóvember mánuði.
Nánari upplýsingar um allt skipulag er varðar sýninguna er væntanlegt hér á heimasíðu okkar í næstu viku.
http://www.dansstudioworldclass.is/wp-content/uploads/2017/08/dwc-logo.png00grehttp://www.dansstudioworldclass.is/wp-content/uploads/2017/08/dwc-logo.pnggre2014-11-11 12:41:302014-11-11 12:41:30Jólasýning í Austurbæ
Fleiri myndir eru nú komnar hér inn á heimasíðu og inn á Facebook síðu skólans frá Danceoff Dansbikarkeppninni. Keppnin fór fram þann 1.nóvember í Tjarnarbíó við Tjarnargötu. Fór hún fram í tveimur hlutum og fóru þeir báðir fram fyrir fullu húsi yfir daginn. Yfir 130 nemendur skólans tóku þátt að þessu sinni og er keppnin því hin stærsta til þessa. Voru það ljósmyndararnir Ásta Sif, astasif.com, og Rakel Tómasdóttir, rakeltomas.com, sem sáu um myndatöku yfir daginn.
Fleiri myndir eru væntanlegar út vikuna og munum við að sjálfsögðu uppfæra heimasíðu og Facebook síðu skólans.
Myndirnar má sjá hér á heimasíðu með því að klikka á þennan link:
http://dansstudioworldclass.is/myndir/#!
Danceoff Dansbikar fór fram í fjórða skipti um síðustu helgi. 135 nemendur dansskólans tóku þátt að þessu sinni og heppnaðist dagurinn með eindæmum vel. Gleði skein úr andliti allra keppenda yfir daginn en fór keppni fram í tveimur hlutum. Nemendur í flokki 10-12 ára hófu leika um morguninn og fór síðan keppni fram í aldursflokkum 7-9 ára og 13-15 ára eftir hádegi.
Framfarir voru greinilegar hjá nemendum og atriðin eins misjöfn og þau voru mörg. Hæfileikaríkir nemendur sýndu dansa sína með frjálsri aðferð og komu dómurum oftar en ekki í opna skjöldu með þroskaðri nálgun sinni að dansinum. Dómnefnd skipuðu þær Kara Hergils Valdemarsdóttir, Nanna Árnadóttir og Sandra Björg Helgadóttir. Formaður dómnefndar var Stella Rósenkranz, deildarstjóri skólans. Dómarar sammældumst um það eftir keppni í báðum hlutum, að valið hafið verið erfitt á milli einstaklinga og hópa og gaman að sjá framþróun dansins innan skólans. Kennarar eru í skýjunum með sína nemendur og eru strax farnir að hlakka til næstu keppni að ári.
Hér að neðan má sjá úrslit keppninnar:
EINSTAKLINGSKEPPNI
Aldursflokkur 7-9 ára
1. sæti – Þórunn Gunnarsdóttir
2. sæti – Karen Emma Þórisdóttir
3. sæti – Aníta Rós Valsdóttir
Aldursflokkur 10-12 ára
1. sæti – Birna Hlín Hafþórsdóttir
2. sæti – Andrea Rut Friðriksdóttir
3. sæti – Eydís Jansen
Aldursflokkur 13-15 ára
1. sæti – Arna Björk Þórsdóttir
2. sæti – Jenný Jónsdóttir
3. sæti – Andrea Marín Andrésdóttir
HÓPAKEPPNI
Aldursflokkur 7-9 ára
1. sæti – Koss
Hópinn skipa þær:
Kolfinna Georgsdóttir
Sigrún Tinna Atladóttir
Sóley Jóhannesdóttir
2. sæti – Tígrisdýr
Hópinn skipa þær:
Iðunn H. Aldan Katrínardóttir
Kara Run Hansen
Kolbrún Arna Káradóttir
Nadía Mýr Gísladóttir
3. sæti – Leðurblökurnar
Hópinn skipa þær:
Erika Styrmisdóttir
Kamilla Stjarna Skúladóttir
Kristjana Birna Kjartansdóttir
Aldursflokkur 10-12 ára
1. sæti – Dollies
Hópinn skipa þær:
Alísa Helga Svansdóttir
Áshildur Þóra Heimisdóttir
Birta Lind Ragnarsdóttir
Brynja María Vilhjálmsdóttir
Jódís Fjóla Rúnarsdóttir
2. sæti – Mini Mix
Anna Lísa Hallsdóttir
Brynja Anderiman
3. sæti – The Freaks
Ástrós Hind Rúnarsdóttir
Íris Anna
Telma Dröfn Jónsdóttir
Aldursflokkur 13-15 ára
1. sæti – ASK
Hópinn skipa þær:
Arna Björk Þórsdóttir
Karen Benediktsdóttir
Snædís Sól Harðardóttir
2. sæti – Secrets.
Hópinn skipa þær:
Katrín Agnes Ellertsdóttir
Helena Bjartmars Toddsdóttir
Sóley Hólm Jónsdóttir
Sæunn Erla Árnadóttir
3. sæti – 3 Fantastic
Hópinn skipa þær:
Eydís Jansen
Íris Birna Arnarsdóttir
Tinna Maren Jóhannsdóttir
Hér að neðan má sjá fyrstu myndir frá deginum en fleiri myndir eru væntanlegar seinna í vikunni.
http://www.dansstudioworldclass.is/wp-content/uploads/2017/08/dwc-logo.png00grehttp://www.dansstudioworldclass.is/wp-content/uploads/2017/08/dwc-logo.pnggre2014-11-04 15:27:272014-11-04 15:27:27Myndir og úrslit frá DanceOff Dansbikar
DanceOff dansbikarkeppnin fer fram á laugardaginn kemur, þann 1. nóvember, í Tjarnarbíó. Keppnin er hin stærsta til þessa en 132 nemendur eru skráðir til þátttöku. 26 í einstaklingskeppni og 106 í hópakeppni eða samtals 32 hópar. Þar af leiðandi hefur keppni verið skipt upp í tvo hluta. Fyrri hluti fer fram kl.11.00 en þá fer keppni fram í aldursflokki 10-12 ára. Seinni hluti fer fram kl.14.30 og er keppt í aldursflokkum 7-9 ára og 13-15 ára.
Við hvetjum nemendur til þess að mæta með hollt og gott nesti með sér til þess að halda orkunni uppi og líkamanum í jafnvægi fyrir og eftir keppnina. Eins að mæta með vatnsbrúsa. Vatn er mikilvægt á svona degi.
MÆTING
Keppendur í fyrri hluta mæta kl.09.00 og keppendur í seinni hluta kl.12.30. Tvær klukkustundir eru áætlaðar í hvorum hluta í sameiginlega upphitun fyrir nemendur, kynna reglur til leiks og renna yfir öll keppnisatriði á svokallaðri generalprufu.
Húsið opnar hálftíma fyrir hvorn hluta, þ.e. kl.10.30 í fyrri hluta og kl.14.00 í seinni hluta.
Miðaverð er 1000 kr. og er eingöngu selt inn við hurð. Frítt er inn fyrir börn 12 ára og yngri.
Verðlaunafhending fer fram beint eftir keppni í hvorum hluta fyrir sig. 90 mínútur eru áætlaðar í hvorn keppnishluta.
Viðburðurinn er opinn öllum og hvetjum við fjölskyldur og vini til þess að mæta og njóta þess að horfa á þessar rísandi dansstjörnur sýna hæfileika sína. Það tekur kjark, vilja og elju að semja sína eigin dansrútínu og flytja fyrir áhorfendur á keppni sem þessari. Kennarar eru stoltir af sínum nemendum og við hlökkum mikið til að sjá atriði allra keppenda á laugardag.
Þessa vikuna fer fram gestavika innan skólans en þá fá allir danshópar annan kennara en fastan kennara sinn í danstíma. Tilgangur vikunnar er að kynna nemendur fyrir enn fleiri dansstílum og öðrum kennsluaðferðum. Fjölhæfni er mikilvægur þáttur fyrir alla dansarara og er nauðsynlegt að nemendur kynnist fleiri en einni nálgun að tækniæfingum og danssporum. Kennarar skólans flytja sig um danshópa og miðla þekkingu sinni til annarra nemenda. Þetta er jákvæð þróun á starfsemi skólans og hefur ríkt mikil ánægja meðal nemenda með þetta fyrirkomulag. Það verður því gaman að fylgjast með danstímunum í þessari viku.
DANCEOFF er dansbikarkeppni sem fer fram í Tjarnarbíó á haustönn. Fyrsta keppnin fór fram árið 2012 þar sem troðfullt var út úr húsi og hefur verið árlegur viðburður síðan.
Markmiðið með keppninni er að hvetja nemendur til þess að koma fram með sinn eigin dansstíl. Keppnin er nú orðinn fastur viðburður innan skólans og mun fara fram í fjórða sinn núna í haust. Á síðasta ári tóku yfir 100 nemendur skólans þátt og sýndu listir sínar fyrir fullu húsi í Tjarnarbíó.
Danceoff Dansbikar skiptist í tvo flokka, einstaklings- og hópakeppni. Keppni er aldursskipt í báðum flokkum og er keppt til verðlauna. Nemendur sýna frumsaminn dans og sjá alfarið um alla þá þætti sem snúa að því að sýna opinberlega fullbúið dansatriði. Hér er átt við alla umgjörð dansatriðisins, s.s. hugmyndavinnu, tónlist, búningahönnun og að semja og setja saman dansrútínuna. Með þessu móti öðlast nemendur aukinn þroska sem listamenn og dansarar og víkka sjóndeildarhringinn með því að dansa sína eigin sköpun og fara sínar eigin leiðir í ferlinu.
Nemendum er leyfilegt að taka þátt í báðum flokkum, þ.e. í einstaklingskeppni og svo einnig sem partur af hóp í hópakeppni. Til þess að taka þátt í hópakeppni þurfa nemendur að vera að minnsta kosti þrír saman í hóp og ekki fleiri en fimm talsins.
Skráning er hafin hjá kennurum en henni lýkur miðvikudaginn 15. október.
DanceOff Dansbikar 2014 fer fram laugardaginn 1.nóvember.
Allar nánari upplýsingar er að finna á heimasíðu:
http://dansstudioworldclass.is/danceoff-dansbikar/#!
http://www.dansstudioworldclass.is/wp-content/uploads/2017/08/dwc-logo.png00grehttp://www.dansstudioworldclass.is/wp-content/uploads/2017/08/dwc-logo.pnggre2014-10-07 11:18:492014-10-07 11:18:49DanceOff Dansbikar 1. nóvember í Tjarnarbíó
