Vornámskeið dansskólans hefst í dag og er mikil eftirvænting eftir danstímunum. Metnaðarfullir og hæfileikaríkir dansarar skólans hafa nú gengið frá skráningu á námskeiðin og eru kennarar ánægðir að sjá nöfn þeirra sem hafa tekið miklum framförum á síðustu önn á blaði fyrir vornámskeiðið. Það er spennandi að hefja dansæfingar aftur og hjálpa nemendum að ná markmiðum sínum.

Enn er hægt að ganga frá skráningu hér á heimasíðu skólans.

Við vekjum athygli á því að ekki er mögulegt að sækja prufutíma á námskeiðið. Þetta er stutt og markvisst námskeið þar sem kennsluáætlun er skýr og hnitmiðuð og því mikilvægt að þeir nemendur sem ætla sér að sækja námskeiðið séu með frá upphafi.

Vornámskeið skólans hefjast 27. apríl. Við munum bjóða upp á markvisst og framsækið dansnám til þess að hámarka árangur nemenda. Við bjóðum upp á nýjungar í dansnáminu þar sem nemendur geta nú sótt valtíma og þar með sótt danstíma þrisvar sinnum í viku. Við finnum fyrir auknum áhuga og eftirspurn er mikil eftir auknum æfingatíma. Vornámskeið spannar fimm vikur og stendur yfir frá 27. apríl – 31. maí. Í boði verður dansnám fyrir danshópa 7-9 ára, 10-12 ára, 13-15 ára, 16 plús og 20 plús. Nemendur geta sótt danstíma tvisvar eða þrisvar viku eins og tekið var fram hér að ofan og er það valfrjálst.

Skipulag námskeiðsins
Dansskólinn innleiddi nýtt skipulag í kennsluskrá á vornámskeiði á síðasta ári. Skipulag sem löngum hafði staðið til að innleiða og á sér fyrirmynd í dansskólum um allan heim. Hörfum við þá frá því skipulagi að halda föstum kennara á danshóp og munu kennarar þess í stað kenna hverjum danshóp, í hverri stöð, í þrjá tíma í heildina. Þetta skipulag gekk frábærlega í fyrra og náðu nemendur ótrúlegum árangri á skömmum tíma. Þannig fær hver danshópur nýjan kennara sem sérhæfir sig í ákveðnum dansstíl í annarri hverri viku. Áherslan er lögð á dýpri skilning á hverjum dansstíl og er danskennslan markviss í hverjum tíma. Þeir dansstílar sem teknir eru fyrir á námskeiðinu eru Jazz, Nútímadans og Commerical dansar.

Valtímar

Markmið valtíma er að auka skilning og getu í tækniæfingum og túlkun eða svokölluðum „performance“ tímum. Valtímar eru ætlaðir til þess að auka árangur nemenda og vald þeirra á þeim æfingum sem kennarinn leggur fyrir í danstímum. Áherslur valtíma eru mismunandi í hverri viku þar sem farið verður í tækni nútímadansi, túlkun og tjáningu, einangrun vöðvahópa í commercial dönsum, uppbyggingu í kóreógrafíu og acrobatic (grunnæfingar í fimleikum), en fimleikaæfingar eru mikilvægar í dansstílum á borð við jazz og nútímadans.

Danskeppni í lok námskeiðs
Innanhús danskeppni mun fara fram í lok námskeiðsins. Er hún ætluð til þess að auka reynslu nemenda og bæta framkomu. Tilgangur keppninnar er einnig að ýta undir persónulega sköpun nemenda og að þeir nýti það sem þeir hafa lært á námskeiðinu í tækni og túlkun. Það er mikilvægt fyrir nemendur okkar að koma fram og viljum við skapa eins mörg tækifæri og við mögulega getum.

Skráning
Skráning hefst á fimmtudaginn eða 16.apríl. Skráning fer fram hér á heimasíðu. Stundatafla og upplýsingar um verð verða birt hér á heimasíðu á morgun, miðvikudag.

Okkar markmið er að skapa fjölhæfa dansara og leggjum við því mikið uppúr því að vera með fjölbreytta danstíma fyrir nemendur skólans. Við hlökkum til að taka á móti hæfileikaríkum nemendum okkar og halda áfram að dansa til árangurs á vornámskeiði.