Mikil gleði á Sumarfögnuði!

[vc_row][vc_column][vc_column_text]

Sumarfögnuður dansskólans fór fram í gær, mánudaginn 13. júní. Sólin skein á lofti og yfir 100 nemendur skólans lögðu leið sína í Laugardalinn. Eldri danshópur skólans stóð fyrir viðburðinum en hann er liður í fjáröflun hópsins sem er á leið í æfingaferð í Póllandi í byrjun ágúst mánaðar.

Trampólín, strandblak, Skólahreysti braut, loftdýnur og dansstöð var á dagskrá og skein bros í hverju andliti á meðan nemendur spreyttu sig á hverri stöð. Danshópurinn samdi sérstakan sumardans og sá Karen Benediktsdóttir, einn nemandi í hópnum, um að kenna hann. Dansinn er væntanlegur hér á heimasíðu og á samfélagssíður skólans á morgun, miðvikudag. Grillaðar voru pylsur og ríkti því almennileg sumarstemmning í bakgarðinum í Laugum í gær.

Kennarar skólans eru hæst ánægðir með daginn og er ekki hægt að hugsa sér betri leið til þess að ljúka frábæru vornámskeiði. 350 nemendur skólans sóttu vornámskeið að þessu sinni og er það mikið fagnaðarefni. Árangurinn lét ekki standa á sér og er ljóst að mikill uppgangur er innan skólans. Það verður því spennandi að hefja haustönn í september.

Takk fyrir frábært vornámskeið elsku dansarar og gleðilegt sumar!

 

[/vc_column_text][/vc_column][/vc_row][vc_row][vc_column width=“1/1″][vc_gallery type=“image_grid“ interval=“3″ images=“4308,4307,4306,4302,4305,4301,4300,4304,4299,4298,4297,4296,4294,4293,4292,4291,4290,4289″ onclick=“link_image“ custom_links_target=“_self“ title=“Myndir frá Sumarfögnuði!“][/vc_column][/vc_row]

/by

SUMARFÖGNUÐUR Á MÁNUDAG!

Þar sem sólin fer hækkandi og sumarið er komið þá ætlar eldri danshópur skólans að halda Sumarfögnuð á mánudaginn kemur eða þann 13. júní kl.16.30-18.30 í World Class í Laugum. Það er spáð frábæru sólarveðri og ætlar danshópurinn að stilla upp svokallaðri WIPEOUT braut. Þetta er þrautabraut sem sameinar Skólahreysti braut, strandblakvöll, loftdýnur og trampólín. Danshópurinn mun einnig koma fram og sýna dansatriði auk þess að kenna SUMARDANSINN, en það er dans sem hópurinn hefur samið og ætlar að kenna nemendum. Dansinn verður svo tekinn upp á staðnum og deilt á heimasíðu og samfélagsmiðlum skólans.

Viðburðurinn er þáttur í fjáröflun danshópsins sem er á leið í æfingaferð í Póllandi í ágúst. Aðgangseyrir er 500 kr. Pylsur og drykkir verða síðan til sölu á staðnum á gjafaverði.

Við vonumst til að sjá sem flesta nemendur okkar mæta og fagna sumrinu með okkur. Vinir eru að sjálfsögðu velkomnir en skemmtunin er eingöngu ætluð börnum/unglingum á aldrinum 7-18 ára.

Hlökkum til að sjá ykkur 🙂

/by