Nýr danshópur stofnaður

Danshópur DWC er skipaður metnaðarfullum og hæfileikaríkum nemendum skólans í unglingaflokkum. Á hverri haustönn er öllum nemendum á aldrinum 12-16 ára veitt tækifæri til þess að komast inn í hópinn. Skólinn stendur þá fyrir dansprufum í upphafi annar þar sem þeir nemendum sem hafa áhuga á að taka þátt í verkefninu og komast inn í hópinn skrá sig til þátttöku. Kennarar sitja í dómnefnd og velja nemendur inn í hópinn byggt á frammistöðu þeirra í dansprufunni.

Dansprufur fyrir nýja þennan nýja danshóp fóru fram í byrjun október og tekur hann nú við af fyrrum danshóp skólans. Myndin sem fylgir fréttinni er af núverandi danshóp skólans og viljum við þakka þeim nemendum kærlega fyrir samveruna,samfylgdina, alla gleðina og gamanið í gegnum þau verkefni sem við höfum unnið að saman síðan í vor. Ekkert nema skemmtilegir tímar með frábærum einstaklingum.

Það verður spennandi og gaman að hefja æfingar með nýjum danshóp. Nokkrir nemenda eru aftur að tryggja sér sæti í hópnum og óskum við þeim innilega til hamingju með það.

Nýjan danshóp DWC skipa: 
Andrea Marín Andrésdóttir
Arnhildur Andersen
Arna Björk Þórisdóttir
Eydís Jansen
Rakel Guðjónsdóttir
Silvía Stella Hilmarsdóttir
Signý Ósk Sigurðardóttir
Snædís Sól Harðardóttir

Til hamingju kæru dansarar með að hafa komist inn í hópinn!

Við viljum þakka öllum þeim nemendum sem komu í dansprufur fyrir þátttökuna. Þið tekur kjark og þor að koma í dansprufur og hrósum við ykkur fyrir að hafa komið og tekið þátt. Eins viljum við þakka ykkur fyrir að sýna verkefninu áhuga. Þið eruð öll frábær! Áfram þið!

/by

Úrslit í DANCEOFF Dansbikar

DANCEOFF dansbikarkeppni skólans fór fram um helgina í Tjarnarbíó. Þátttakan var frábær en yfir 130 nemendur skólans tóku þátt að þessu sinni. Keppnin fór fram í tveimur hlutum yfir daginn og var keppnin hörð í öllum flokkum. Mikil spenna ríkti baksviðs og áhorfendur tóku vel undir og studdu við bakið á keppendum. Dómnefnd átti erfitt verkefni fyrir höndum þar sem ótrúlega mörg frambærilega atriði tóku þátt í ár. Dómnefnd skipuðu þær Kristín Sunna Sveinsdóttir (fyrrum kennari skólans), Sandra Björg Helgadóttir (núverandi kennari) og Stella Rósenkranz (deildarstjóri). Þær voru sammála því að greinilegt er að miklar framfarir hafa átt sér stað í öllum aldursflokkum og hrósuðu nemendum fyrir mikla notkun tækniæfinga í dansrútínum sínum auk tónnæmi. En nemendur komu dómurum á óvart með frumlegum dönsum, þroskuðu lagavali og áhugaverðum munsturskiptingum.

Úrslit keppninnar eru eftirfarandi:

Einstaklingskeppni í 7-9 ára flokki
1. sæti – Linda Ýr Guðrúnardóttir
2. sæti – Anya María Mosty
3. sæti – Katrín Ósk Davíðsdóttir

Einstaklingskeppni í 10-12 ára flokki
1. sæti – Hafdís Eyja Vésteinsdóttir
2. sæti – Freyja Eaton
3. sæti – Karen Emma Þórisdóttir

Einstaklingskeppni í 13-15 ára flokki
1. sæti – Rakel Guðjónsdóttir
2. sæti – Guðrún Sóley Magnúsdóttir
3. sæti – Cristina Isabel Agueda

Hópakeppni í 7-9 ára flokki
1. sæti – Dansstjörnurnar
2. sæti – Regnbogastelpurnar
3. sæti – Cool Kids

Hópakeppni í 10-12 ára flokki
1. sæti – Koss
2. sæti – XOXO
3. sæti – Say What?

Hópakeppni í 13-15 ára flokki
1. sæti – L.D.
2. sæti – 3FCREW
3. sæti – The Queens

Við þökkum öllum nemendum kærlega fyrir þátttökuna. Þið sýnduð frábæra takta og stóðuð ykkur með eindæmum vel. Áfram þið!

/by

Skipulag á DANCEOFF

DanceOff dansbikarkeppnin fer fram á laugardaginn kemur, þann 24. október, í Tjarnarbíó. Það er gaman að segja frá því að 124 nemendur eru skráðir til þátttöku í ár. 33 nemendur í einstaklingskeppni og 91 nemandi í hópakeppni eða samtals 36 hópar. Þar af leiðandi hefur keppni verið skipt upp í tvo hluta. Fyrri hluti fer fram kl.11.00 en þá fer keppni fram í aldursflokki 7-9 ára og 13-15 ára. Seinni hluti fer fram kl.14.30 og er keppt í aldursflokki 10-12 ára. Við hvetjum nemendur til þess að mæta með hollt og gott nesti með sér til þess að halda orkunni uppi og líkamanum í jafnvægi fyrir og eftir keppnina. Eins að mæta með vatnsbrúsa. Vatn er mikilvægt á svona degi.

MÆTING
Keppendur í fyrri hluta mæta kl.09.00 og keppendur í seinni hluta kl.12.30. Tvær klukkustundir eru áætlaðar í hvorum hluta í sameiginlega upphitun fyrir nemendur, kynna reglur til leiks og renna yfir öll keppnisatriði á svokallaðri generalprufu.

Húsið opnar hálftíma fyrir hvorn hluta, þ.e. kl.10.30 í fyrri hluta og kl.14.00 í seinni hluta.
Miðaverð er 1000 kr. og er eingöngu selt inn við hurð. Frítt er inn fyrir börn 12 ára og yngri.

Viðburðurinn er opinn öllum og hvetjum við fjölskyldur og vini til þess að mæta og njóta þess að horfa á þessar rísandi dansstjörnur sýna hæfileika sína. Það tekur kjark, vilja og elju að semja sína eigin dansrútínu og flytja fyrir áhorfendur á keppni sem þessari. Kennarar eru stoltir af sínum nemendum og við hlökkum mikið til að sjá atriði allra keppenda á laugardag.

Við hvetjum alla nemendur okkar sem ætla ekki að taka þátt í keppninni til þess að mæta og hvetja samnemendur sína áfram.

/by

Dansprufur á laugardag!

Dansprufur fyrir yngri danshóp DWC fara fram á laugardaginn kemur eða þann 10. október. Danshópur DWC var stofnaður í byrjun þessa árs en þá fóru einnig fram dansprufur fyrir hópinn. Þá mættu yfir 100 nemendur í aldursflokknum 13-16 ára í dansprufur og sýndu mikla hæfileika. 11 af þeim nemendum skipuðu svo danshóp DWC og komu fram fyrir hönd skólans á ýmsum viðburðum á þessu ári.

Enginn nemandi á fast sæti í hópnum þar sem við viljum gefa öllum nemendum tækifæri á að bæta sig og eiga möguleika á að komast inn í hópinn á hverri önn. Metnaðarfullir dansarar í unglingahópum verða því valdir inn í hópinn á önninni en það eru eingöngu nemendur á aldrinum 13-16 ára. Við inntöku er horft til nemenda sem sækja vel danstíma skólans, sýna framfarir og metnað og hvetja aðra dansara áfram í sínum danshópum. Þetta eru einstaklingar sem geisla af gleði og áhuga, eru einbeittir í að bæta sig og eru gott fordæmi fyrir yngri og eldri dansara skólans.

Hlutverk danshópsins verður að koma fram fyrir hönd skólans og taka þátt í þeim verkefnum sem skólinn stendur fyrir.

Skráning er nú hafin en þú skráir þig í dansprufur með því að senda tölvupóst með fullu nafni, mynd af þér (standard prófílmynd af andliti) og þeim danshóp sem þú æfir með hjá skólanum á netfang skólans dwc@worldclass.is. Skráningu lýkur á föstudaginn kemur, í hádeginu.

Prufur fara fram í World Class í Laugum kl.13.30.

Nánari upplýsingar um prufurnar verða sendar á tölvupósti á þá þátttakendur sem skrá sig.

Hlökkum til að sjá sem flesta!

/by

Súperdansarar hefst í dag!

SÚPERDANSARAR dansprógramið okkar hefst í dag!

Ókeypis prufutími en aldurstakmark er 13. ára.

Prógramið er ætlað þeim nemendum sem vilja bæta sig enn frekar og ætla sér að ná árangri með því að sækja fleiri danstíma og læra fleiri dansstíla.

Natasha byrjar námskeiðið á því að kenna break í dag.

Tíminn er kl.13.00-14.00 og fer fram í Laugum.

Hlökkum til að sjá sem flesta

/by

Biðlistar að myndast!

Haustönn hefst í næstu viku og það gleður okkur að fylgjast með skráningu í danshópana okkar. Margir af hópunum eru að fyllast og nú þegar hafa skapast biðlistar í nokkra hópa.
Þróunin hefur orðið sú að undanförnu að foreldrar eru ekki að taka neina áhættu og skrá börn sín strax til þess að forðast það að lenda á biðlista. Því hvetjum við foreldra í að tryggja nemendum pláss á námskeiðin hið fyrsta því við sjáum fram á að fleiri danshópar muni fyllast yfir helgina.
Það eru mikil gleðitíðindi fyrir skólann að finna fyrir þessum aukna áhuga á dansnámi hjá skólanum og enn skemmtilegra að sjá hve margir nemenda hafa skráð sig í valtímana okkar á föstudögum. Það verður mikil bæting á þessari önn hjá nemendum og verður gaman að fylgjast með þeim ná betri tökum á tækniæfingum í þeim dansstílum sem teknir eru fyrir.
Öllum fyrirspurnum beinum við á netfang skólans, dwc@worldclass.is.
Allar upplýsingar varðandi námskeiðin, Frístundastyrki og greiðslufyrirkomulag er að finna hér á heimasíðu skólans.
Hlökkum til að taka á móti nemendum okkar í næstu viku 🙂
/by

SÚPERDANSARAR

Súperdansarar er nýtt dansprógram sem er ætlað þeim nemendum sem ætla sér langt og vilja verða fjölhæfari dansarar!

Þetta eru vikulegir danstímar með gestakennurum sem sérhæfa sig í öðrum dansstílum en þeim föstu danstímum sem kenndir eru samkvæmt stundaskrá skólans. Þeir dansstílar sem teknir eru fyrir eru bæði klassískir og street dansstílar.

Dansstílarnir eru:

Ballet
Break
Locking
Nútímadans
Popping
Samkvæmisdans

Hver gestakennari kemur í tvær vikur í senn og tekur fyrir grunnspor og tækni í hverjum dansstíl fyrir sig. Kennarinn mun síðan binda danssporin og æfingarnar saman í dansrútínu fyrir nemendur.

Hér gefst nemendum tækifæri á að kynnast nýjum dansstílum og dansæfingum. Mikil áhersla er lögð á ítarlega kennslu og góð samskipti milli kennara og nemenda. Lagt verður upp úr því að nemendur séu duglegir að spyrja í tímum í þeim tilgangi að skilja hvern dansstíl sem best og ná góðum tökum á þeim æfingum sem eru lagðar fyrir hverju sinni.

Aldurstakmark í dansprógramið er bundið við 13. ára aldur.

Kennarar:

Ásgeir Helgi
Dansari í Íslenska Dansflokknum og Reykjavík Dance Company
Nútímadans

Jóna Kristín Benediktsdóttir
Margfaldur meistari í samkvæmisdönsum
Samkvæmisdans

Katrín Eyjólfsdóttir
Listdansari
Ballet

Natasha Monay Royal
Frumkvöðull í íslenskri street danssenu
Break og Popping

Ragna Þyrí
Street dansari
Locking

/by

Skráning í fullum gangi

 

Skráning á haustönn skólans er nú hafin. Mikil eftirspurn er eftir dansnámi hjá skólanum að þessu sinni og því hvetjum við forelra til þess að ganga frá skráningu hið fyrsta til þess að forðast biðlista og tryggja nemendum öruggt pláss í danshópum.

Kennslustaðir eru fimm talsins að venju en það eru Laugar, Egilshöll, Mosfellsbær, Seltjarnarnes og Ögurhvarf í Kópavogi.

Því miður komust færri að en vildu á vorönn og því ítrekum við þetta enn og aftur við foreldra og forráðamenn að ganga frá skráningu. Allir danshópar eru takmarkðir við ákveðinn fjölda skráninga.

Allar fyrirspurnir varðandi starfsemi skólans skal senda á netfangið dwc@worldclass.is.

 

/by

Skráðu þig á haustönn!

Skráning er nú formlega hafin á haustönn 2015. Komdu og lærðu hjá þeim bestu. Úrvalskennarar kenna hverjum danshóp og hafa þeir það að markmiði að hjálpa nemendum að ná markmiðum sínum og verða fjölhæfir dansarar. Danskennarar skólans eru þaulreyndir kennarar og danshöfundar og er skemmst frá því að segja að nokkrir þeirra eru þeir vinsælustu í kvikmynda-, auglýsinga- og skemmtanaiðnaðinum hér á landi.

Haustönn skólans hefst 7. september og spannar 12 vikur. Við bjóðum upp á markvisst og framsækið dansnám til þess að hámarka árangur nemenda. Við bjóðum upp á nýjungar í dansnáminu þar sem nemendur geta nú sótt valtíma og þar með sótt danstíma þrisvar sinnum í viku.

Í boði verður dansnám fyrir danshópa 7-9 ára, 10-12 ára, 13-15 ára, 16 plús og 20 plús. Nemendur í yngri flokkum, 7-9 ára og 10-12 ára, geta sótt danstíma tvisvar eða þrisvar viku en nemendur í 13-15 ára danshópum og eldri geta sótt tíma fjórum sinnum í viku. Er það valfrjálst.

Skipulag námskeiðsins
Skipulag í kennsluskrá er miðað út frá því að nemendur nái að hámarka árangur sinn. Ekki er fastur kennari á danshóp heldur fær hver danshópur nýjan kennara sem sérhæfir sig í ákveðnum dansstíl í þriðju hverri viku. Áherslan er lögð á dýpri skilning á hverjum dansstíl og er danskennslan markviss í hverjum tíma. Þeir dansstílar sem teknir eru fyrir á námskeiðinu eru Jazz, Nútímadans, Lyrical, Modern, Hip Hop, House og Commerical dansar.

Þetta skipulag á ekki við um danshópa 16 plús og 20 plús. Þeir danstímar einblína á kóreógrafíu í Commercial dönsum og Heels Performance.

Valtímar

Markmið valtíma er að auka skilning og getu í tækniæfingum og túlkun eða svokölluðum “performance” tímum. Valtímar eru ætlaðir til þess að auka árangur nemenda og vald þeirra á þeim æfingum sem kennarinn leggur fyrir í danstímum. Áherslur valtíma eru mismunandi í hverri viku þar sem farið verður í tækni nútímadansi, túlkun og tjáningu, einangrun vöðvahópa í commercial dönsum, uppbyggingu í kóreógrafíu og acrobatic (grunnæfingar í fimleikum), en fimleikaæfingar eru mikilvægar í dansstílum á borð við jazz og nútímadans.

Danskeppni í lok námskeiðs
Innanhús danskeppni mun fara fram í lok námskeiðsins. Er hún ætluð til þess að auka reynslu nemenda og bæta framkomu. Tilgangur keppninnar er einnig að ýta undir persónulega sköpun nemenda og að þeir nýti það sem þeir hafa lært á námskeiðinu í tækni og túlkun. Það er mikilvægt fyrir nemendur okkar að koma fram og viljum við skapa eins mörg tækifæri og við mögulega getum.

Taktu þátt í hreyfingunni og vertu með!

/by

Skráning hefst mánudaginn 17. ágúst

Skráning á haustönn dansskólans hefst á morgun, mánudaginn 17. ágúst.

Við bjóðum upp á markvisst dansnám fyrir allan aldur. Dansnám þar sem dansarar ná árangri.
Í boði á haustönn er eftirfarandi:
-Dansnám tvisvar í viku í öllum aldurshópum.

-Dansnám þrisvar í viku fyrir aldurshópa 10-12 ára og eldri. En þar býðst dansþyrstum nemendum skólans að bæta við sig valtíma á föstudögum sem viðbót við fasta tíma samkvæmt stundatöflu.
-Dansnám fjórum sinnum í viku fyrir aldurshópa 13-15 ára og eldri. Um er að ræða prógram sem ber heitið Súperdansarar og er ætlað þeim nemendum með brennandi dansáhuga og með það að markmiði að leggja sig allan fram og ná árangri.
Stundatafla skólans er væntanleg hér á heimasíðu á mánudag.

 

/by