Æfingadagar fara fram í dag, föstudag, og á sunnudaginn fyrir nemendasýningu. Þetta eru síðustu æfingarnar fyrir sýninguna okkar sem fer fram í Borgarleikhúsinu um helgina og á mánudag.
Skipulag fyrir daginn er að finna í töflunni hér að neðan.
Aladdín danssýningin okkar, fyrsti dagur, fer fram á morgun í Borgarleikhúsinu. Fram koma nemendur í danshóp í Egilshöll, Laugum og Seltjarnarnesi.
Tvær sýningar fara fram, fyrri kl.13.00 og seinni kl.14.30.
Sýningartími er 60 mínútur.
MÆTING
Nemendur eiga að mæta kl.10.20 og hefst generalprufa kl.10.50. Foreldrar skilja nemendur eftir í leikhúsinu hjá danskennurum og sækja þá svo í lok seinni sýningar eða kl.16.00. Mæta þarf baka til eða á þeirri hlið leikhússins er snýr á móti Vinnumálastofnun, gengið er upp lítinn stiga, þar taka kennarar á móti ykkur.
MÆTA Í BÚNINGUM
Nemendur mæta tilbúnir í búningum og með þá hárgreiðslu sem kennari hefur óskað eftir.
NESTI
Við minnum á mikilvægi hollrar og góðrar næringar og hvetjum alla nemendur til þess að mæta með nesti með sér. Vatnsbrúsi er líka nauðsynlegur á svona degi.
MIÐASALA ER ENN Í GANGI
Miðasala er enn í gangi á tix.is.
Sjáumst í Borgarleikhúsinu á morgun!
Nemendasýning hjá danshópum í Laugum, Egilshöll og Seltjarnarnesi fer fram á morgun, laugardag, í Borgarleikhúsinu.
Svokölluð danshelgi fer fram um helgina í World Class í Laugum. Allir danshópar sameinast í Laugum og æfa atriði sín.
Danshópar sækja æfingar á eftirfarandi tímum:
FÖSTUDAGURINN 18.MARS
Kl.16.00-17.30 – 7-9 ára Ögurhvarf – salur 4
Kl.17.00-18.30 – 10-12 ára Mosfellsbær (framhaldshópur) I – salur 3
Kl.17.30-19.00 – 10-12 ára Ögurhvarf II – salur 4
Kl.18.30-20.00 – 13-15 ára Mosfellsbær – salur 3
Kl.20.00-21.00 – 16 plús Mosfellsbær – salur 3 / 16 plús Ögurhvarf – salur 4
LAUGARDAGURINN 19.MARS
Kl.09.00-09.15 – 7-9 ára Mosfellsbær I og II – salur 3 og 4
Kl.09.15-10.30 – 10-12 ára Mosfellsbær byrjendur II – salur 3
Kl.13.00-15.00 – 13-15 ára Ögurhvarf I og II – salur 4
Kl.15.00-16.00 – 7-9 ára Egilshöll – salur 3
Kl.16.00-17.30 – 10-12 ára Egilshöll II – salur 3
SUNNUDAGURINN 20.MARS
Kl.10.30-11.30 – 16 plús Egilshöll – salur 3
Kl.11.30-12.30 – 13-15 ára Egilshöll – salur 3
Kl.12.30-13.30 – 7-9 ára Laugar – salur 4
Kl.13.30-15.00 – 10-12 ára Laugar – salur 4
Kl.15.00-16.30 – 10-12 ára Seltjarnarnes – salur 4
Kl.15.00-16.30 – 10-12 ára Ögurhvarf I – salur 3
Kl.16.30-17.30 – 13-15 ára Seltjarnarnes – salur 4
Kl.17.30-18.30 – 16 plús Seltjarnarnes – salur 4
Kl.16.30-18.00 – 10-12 ára Egilshöll I – salur 3
Kl.18.30-19.30 – 20 plús – salur 4
Hlökkum til að dansa með öllum danshópunum okkar um helgina 🙂
Miðasala er nú formlega hafin á nemendasýningu skólans. Miða er að finna á heimasíðunni tix.is og er beinan link að finna hér, https://tix.is/is/event/2681/nemendasyning-dwc/
Greiða þarf fullt verð fyrir börn á sýninguna þar sem ekki er veittur afsláttur af verði. Þetta er eini viðburður skólans þar sem börnum er ekki veittur aðgangur frítt eða á lágmarksgjaldi. Því miður er ekki leyfilegt að sitja undir börnum í leikhúsinu samkvæmt reglum frá Brunavarnareftirlitinu.
Miðaverð er 2.800 kr.
Miðasala fer einnig fram í miðasölu Borgarleikhússins í s.568 8000.
Páskafrí fer fram dagana 24.-28. mars. Kennsla fer því fram samkvæmt tímatöflu mánudag, þriðjudag og miðvikudag eða dagana 21. -23. mars. Kennsla hefst aftur þriðjudaginn 29. mars samkvæmt tímatöflu.
Eins og öllum ætti að vera orðið kunnugt þá fer árleg nemendasýning dansskólans fram laugardaginn 2.apríl og mánudaginn 4. apríl næst komandi. Sýningin er byggð á ævintýrum Aladdín og er sett upp með ævintýralegu sniði. Björn Bragi Arnarsson mun sjá um kynningar á sýningunni.
Um tvær sýningar er að ræða hvorn daginn fyrir sig og fara þær fram á neðangreindum tímum:
Laugardagurinn 2. apríl : Kl.13.00 og Kl.14.30
Mánudaginn 4. apríl : Kl.17.30 og Kl.19.00
Nemendur í Laugum, Egilshöll og Seltjarnarnesi sýna 2. apríl og nemendur í Mosfellsbæ og Ögurhvarfi sýna 4. apríl. Allir hópar sýna á báðum sýningum yfir daginn að barnadönsum undanskyldum en barnadanshópur 4-6 ára í Laugum sýnir einungis á fyrri sýningu af tveimur þann daginn. Foreldrar, vinir og ættingjar velja því að koma á þá sýningu sem hentar hverjum og einum best.
MIÐASALA
Miðasala hefst á mánudaginn kemur, það er 14.mars og fer hún fram í miðasölu Borgarleikhússins í s. 568 8000 og á tix.is.
Yngri danshópur skólans hefur nú verið skipaður 13 nemendum sem sóttu dansprufur skólans um síðustu helgi. Þetta var erfitt val fyrir kennara þar sem nemendur lögðu sig alla fram og sýndu hvað í þeim býr. Við erum rosalega stolt af öllum þeim nemendum sem mættu og það er greinilegt að við þurfum að stofna fleiri danshópa. Kennarar voru í miklum vandræðum með að velja svo það komi skýrt fram.
Þema á nemendasýningu skólans hefur nú verið tilkynnt en í ár verður sýningin byggð á ævintýrum Aladdin. Er þetta þriðja árið í röð þar sem ákveðið hefur verið að byggja sýninguna á einni af vinsælustu teiknimyndum Disney samsteypunnar. Sýningin spannar allt frá grimmum og illum töfrabrögðum Jafar til gleðidansa andans blá sem öllum ætti að vera kunnugur. Aladdin sjálfur spilar að sjálsögðu stórt hlutverk með fjölbreyttum og skemmtilegum uppátækjum sínum í von um að vinna hjarta Jasmín prinsessu. Mikið verður lagt upp úr upplifun áhorfenda og sjónarspili leikhússins. Skólinn er löngum orðinn þekktur fyrir glæsilegar nemendasýningar sínar en þær eru árlegur viðburður á vorönn. Sýningin fer fram á stóra sviði Borgarleikhússins að venju.
Skólinn hefur tekið stóran vaxtarkipp að undanförnu og því ber að fagna. Þar af leiðandi eru sýningardagarnir tveir í ár en það eru:
Laugardagurinn 2. apríl og mánudagurinn 4. apríl.
Nemendur skólans sameinast allir undir þaki leikhússins og sýna listir sínar. Mikið er lagt upp úr hverju atriði sem og búningum, lagavali og útliti sýningar. Markmiðið með sýningunni er að allir hafi gaman af og fái reynslu af sviðsframkomu.
Danshópum verður skipt niður á sýningardaga en nemendur í Egilshöll, Laugum og Seltjarnarnesi sýna á fyrr sýningu sem fer fram laugardaginn 2. apríl. Nemendur í Mosfellsbæ og Ögurhvarfi sýna á seinni sýningu sem fer fram mánudaginn 4. apríl.
Kennarar hafa strax hafist handa við undirbúning á sýningunni og erum við spennt að hefja æfingar með nemendum þegar líður á önnina.
[vc_row][vc_column][vc_column_text]
Dansprufur fyrir yngri danshóp skólans fóru fram um helgina. Yfir 100 nemendur mættu og spreyttu sig í prufunum og létu hæfileikarnir ekki á sér standa. Dómnefnd var skipuð kennurum skólans og áttu þeir í fullu fangi með að skera niður í hópnum. Stella Rósenkranz, deildarstjóri, alhæfði eftir prufurnar að þetta hafi verið mjög erfitt val og að gæðin í prufunum hafi aldrei verið meiri. Nemendur eru greinilega að ná miklum framförum með sínum danshópum og hrósaði hún nemendum hástert fyrir metnaðinn sem þeir sýndu í prufunum.
Það var sérstaklega skemmtilegt fyrir kennara að sjá samstöðuna sem ríkti yfir daginn í hópnum. Allir nemendur voru einbeittir en voru alltaf tilbúnir í að hvetja samnemendur sína áfram til dáða í prufunum. Kennarar skólans leggja mikla áherslu á samstöðu í danstímum og að nemendur læri einnig af samnemendum sínum. Það er virkilega ánægjulegt að sjá það skila sér í framkomu nemenda gagnvart hver öðrum.
Einungis 14 nemendur komast inn í danshópinn og verður hann tilkynntur í lok vikunnar.
Það er greinilegt að spennandi tímar eru framundan hjá skólanum. Nemendur eru að ná miklum framförum og fjöldinn allur af efnilegum dönsurum eru nú að láta mikið á sér kveða í sínum danshópum. Þessu tökum við fagnandi.
Hér má sjá myndband af nemendum ásamt kennurum í lok dagsins. Stemmningin var gríðarleg og ber myndbandið það svo sannarlega með sér.
[/vc_column_text][/vc_column][/vc_row][vc_row][vc_column width=“1/1″][vc_video title=“FRÁBÆR STEMMNING“ link=“https://www.youtube.com/watch?v=ynxMObCpD4M&feature=youtu.be“][/vc_column][/vc_row]